Emigrare

Sercar fortuna
lontan,
parchè in paese
ghe iera a fame
e tante boche
da sfamar.

Aver a forsa
dei vent’ani,
el cor colmo
de tristessa.

Col santin de S. Antonio
in scarsea e a corona
benedeta daea mama,
nea pora vaisa
de carton, i ‘ndava
oltre Oceano,
co a nave lontan.

Nei oci
a paura de l’ignoto,
i se faseva e foto
in grupo soridendo,
par nascondar
el pianto.

In Merica far finta
de bevar de feissità,
par desmentegar
l’amaressa
dea lontanansa
e imbriagarse de ricordi.

Nea dura realtà:
bisognava lavorar,
ciapar do, tre schei
e poder tornar,
par finalmente
rivedar
el caro paese nadal.

(da Se godevimo co gnente di Giovannina Pasqualotto)