.

A ostaria

Da che mondo xe mondo
a ostaria ga sempre fatt
el contorno dea vita.
Ghin iera pì de una
in paese,
tute e gaveva i so aventori,
par zogar a carte,
saver e ultime notissie,
o bevar on goto
de chel bon.
Serviva e fioe
de l’oste o a moier,
e se faseva amirar
svelte e laboriose
nel lavorar.
Col soriso stampà in viso
e ghe dava gentilmente
quel che la zente
domandava,
toendo e rimetendo
sol scafal
e botiglie de liquor.

Frequentava a ostaria
sol i omeni e qualcun
desmentegava i doeori
tracanando pi del soito.
Col capel piantà in testa
e a bicicleta
che ‘ndava de qua e de à,
el tornava casa imbamboeà.
A femana vedendoeo,
lo meteva in leto rassegnada,
spetando che el smaltisse
a sbornia e el tornasse
da novo san de mente.

Da “Se godevimo co gnente”
di Giovannina Pasqualotto